HMF Group A/S er rótgróið danskt fyrirtæki sem hefur unnið sér inn verðugan sess meðal þeirra bestu í smíði og hönnun á bílkrönum í öllum stærðum og gerðum.

Einkenni HMF eru gæði og styrkur. Kranar HMF eru þekktir fyrir hagkvæmni og langan endingartíma. Áhersla er lögð á vandaða og sterka yfirborðsáferð og að kraninn haldi sínum einkennum og styrk út notkunartímann. Þá er þjónusta HMF traust og trúverðug og hvergi er slakað á kröfum um öryggi, virkni og nákvæmni. Öll vöruþróun er unnin í nánu samstarfi við viðskiptavini og notendur með það að markmiði að hanna og smíða lausnir í samræmi við óskir markaðarins.

Allir HMF kranar fara í gegnum nákvæmt gæðaeftirlit og eru framleiddir samkvæmt ISO 9001 gæðastöðlum, með vottun frá Lloyd’s Register Quality Assurance (LRQA).

Eitt af aðalsmerkjum HMF er EVS (Electronic Vehicle Stability) stjórn- og stöðugleikakerfið, sem tryggir hámarksvirkni og lyftigetu allan lyfti- og hífiferilinn og ver kranann jafnframt gegn yfirlestun o.fl. Allar nauðsynlegar upplýsingar birtast á skjá fjarstýringarinnar, svo með EVS hefur kranastjórnandinn fulla stjórn á verkinu, allt í einni fjarstýringu.

Sala á bílkrönum hefur gengið í gegnum hæðir og lægðir hér á landi samhliða sveiflukenndu efnahagslífi, en eftir stendur að margir eigendur HMF krana halda tryggð við sinn krana árum saman, enda er rekstrarkostnaður lágur, varahlutaþjónusta hröð og endingin frábær. Við bjóðum ykkur velkomin í þennan hóp.

Öll þjónusta á HMF krönum er unnin á verkstæði Landvéla ehf., Smiðjuvegi 66, Kópavogi. Nánari upplýsingar um krana, körfur og smíði HMF má finna á heimasíðu HMF: www.hmf.dk