Rafsuðuvír, viðgerðar, steypujárn - Castolin EC4044

 Hentar vel til sprunguviðgerða og til suðu á olíumettuðu gömlu steypujárni hvort sem um er að ræða ásuðu, samsuðu eða viðgerðir. Góður til suðu á smíðastáli og samsuðu steypujárns við stál og koparblöndur og einnig til viðgerða á vélahlutum.

Hentar í öllum suðustöðum fyrir steypujárn, en fyrir önnur efni fyrir láréttar suður, lóðréttar hliðarsuður og láréttar kverksuður.

Eiginleikar:
Harka: 160-190 HB.
Togþol: 250-300 N/mm²
Flotmörk: 80-120 N/mm²
Lenging 15%.

Forhitun: Yfirleitt óþörf en hitun á flóknari steypujárnshlutum í 200°C auðveldar rafsuðu og dregur úr hættu á hörkumyndun í suðusamskeytum.
Suðuaðferð: Suðuvírnum haldið næstum lóðréttum.  Miðlungs ljósbogi álíka og þvermál vírsins.  Suða lögð í strengjum 1-3 cm löngum og hömruðum á milli.  Geti suðustykkið ekki þanist frítt skal ekki sjóða lengri suðu en 1-3 cm í einu og hamra suðuna á milli.  Geti suðustykkið þanist frítt er hægt að ljúka suðu án hömrunar.  Gætið þess að suðustykki, sem ekki getur þanist hitni eins lítið og kostur er.