Tubiflex stál- og pústbarkar

Landvélar bjóða upp á PROTEX– PX-T.3000 stálbarka sem hafa ýmsa kosti framyfir hefðbundna stálbarka, annars vegar heit galvanhúðað stál (EN10346 DX51D+Z200) og hins vegar ryðfrítt AISI 304 stál.

Saumlaga hönnun tryggir í senn góðan sveigjanleika við mótun eða lögun á barkanum samhliða auknum styrk.  PROTEX barkinn þykir hentugur sem pústbarki í bíla, trukka, vinnuvélar og rafstöðvar og sem sterkur barki fyrir mjöl- eða kornkennd efni sem og hlífðarkápa fyrir raflagnir og slöngur.

Stærðir á lager eru í þvermáli frá 42 mm til 150 mm en hægt að sérpanta í allt að 300 mm þvermál.  Hægt er að sérpanta 8 – 38 mm barka ef kröfum um lágmarks magn er náð.  Staðlaðar lengdir eru 5 – 20 metrar en hægt er að sérpanta lengri barka.

Hitaþol:  Heit galv. 250°C og ryðfrítt 700°C.

Ath.  Til að hámarka flutningsgetu PROTEX barkans er mikilvægt að snúa honum rétt sbr. mynd.