Bowman olíukælar og varmaskiptar

E.J. Bowman er sérhæft fyrirtæki með hátt í aldargamla reynslu í hönnun og framleiðslu á kælum og varmaskiptum.  Þessi reynsla og sérhæfing ásamt framúrskarandi en einfaldri hönnun hefur tryggt fyrirtækinu verðugan sess sem einu af leiðandi fyrirtækjum á þessum markaði.

Veigamesti hluti framleiðslunnar eru sjóþolnir olíukælar og varmaskiptar ásamt ýmsum kælibúnaði fyrir véla- og tækjaframleiðendur í námuvinnslu og annan vélbúnað.  Bowman er einnig stór framleiðandi á „orginal“ kælibúnaði fyrir ýmsa véla- og gíraframleiðendur.  Þá er ótaldar ýmsar lausnir til að endurnýta hita og varmaorku, t.d. frá útblæstri o.fl.

Bækling sem sýnir helstu gerðir Bowman kæla má finna hér.

Bowman kælarnir eru hentugir fyrir ýmsan kælivökva, olíu, glussa og smurolíur.  Stöðluð hönnun Bowman tryggir einfaldleikan, sjálft kælielementið er frítt (fljótandi) í kælinum sem tryggir lágmarks hitaleiðni og auðveltar viðhald og þrif. Þá er auðvelt að endurnýja elementið, ytra hús og enda ef þörf er á.

Sjö grunngerðir eru í boði með inn- og útgangsportum frá ¾“ til 3“.  Hver gerð er svo til í nokkrum stærðum eftir kæliþörf.  Hámarks olíu- og vatnsþrýstingur er 20 BAR.  Hámarks olíuhiti er 120°C og 110°C vatnshiti.
Hægt er að sérpanta allar stærðir fyrir 150°C olíuhita og einstaka stærðir fyrir allt að 200°C hita.

Flestir Bowman kælar sem Landvélar selja koma staðlaðir með sjóþolnum endum frá framleiðanda en hægt er að skipta þessum endum út fyrir steypustál eða brass enda. Þá er hægt að sérpanta kæla úr ryðfríu stáli.

Bowman kælar eru þéttir með nítrat (nítríl) O hringjum en hægt er að panta EP (Ethylene Propylene) og VT (Víton) hringi aukalega.  Einnig er hægt að sérpanta kæla sem þola hærra hitastig, 150°C eða 200°C.